|
Getting your Trinity Audio player ready...
|
Aheso: Atejade kan ti won satunpin lori ikanni ibaraenisoro WhatsApp gbe aheso pe ìjọba apapo n bun omo orileede Naijiria ni oke mesan naira o le egberun marun ki won le fi tọ́ju idile won.
Abajade iwadii: Iro ni. Ayederu linki ni wọn fi si ori atejade naa. Bakan naa, ẹ̀ka t’o n risi ọrọ ọmọniyan ati didekun ọṣì, ko fi irufe iroyin bẹ sita.
Ẹ̀kúnrẹ́rẹ́ àlàye
Òṣì ati ìṣẹ́ n ba àwọn ọmọ orilẹ-ede Naijiria finra biotilẹjẹpe eledua fi àwọn oun alumọni ta orileede naa lọọrẹ. Ni ọpọ igba ni ìjọba apapo ati àwọn ile-ise kookan ti ṣe ṣ’agbekalẹ àwọn ètò lati f’opin si ìṣẹ́.
Laipe yii ni àwọn olumulo ikanni ibaraenisọrọ WhatsApp ṣ’atunpin atẹjade kan pe ìjọba apapọ ti gbe ètò kan kale lati fun àwọn ara ilu ni owó iranwọ ọ̀kẹ́ mẹsan náírà o le egberun marun ki won fi ṣe ìtọ́jú ìdílé wọn.
Atejade naa salaye pe ààrẹ orileede Naijiria, Bola Tinubu pa àṣẹ fun mínísíta ọrọ ọmọniyan ati didekun ọṣì, Nentawe Yilwatda pe kí o ṣ’agbekalẹ ètò owó iranwo fun idile.
Atejade naa f’ikun pe ṣ’agbekalẹ ètò owó iranwo naa se pataki latari àríwísí àwọn omo orileede Naijiria ninu gbogbo ipọnju ati iya t’o n ba wọn finra. Atejade naa salaye pe àwọn idile a ni anfaani lati gba owó iranwo naa fun oṣù mẹ́ta.
Ninu atejade naa, wọn gba olumulo ni iyanju lati lo linki kan ki won si satunpin atejade naa pelu àwọn olumulo miran.
“… F’orúkọ sílẹ̀ fun owó iranwọ́ ìjọba apapọ t’o lé ní ọ̀kẹ́ mẹsan náírà ki o fi se ìtọ́jú idile rẹ. F’orukọsilẹ pẹlu linki yii: https://gvly.xyz/FG-National-Family-Support-Allowance Ṣ’atunpin linki yii pelu àwọn ọrẹ ati ẹbi rẹ, ki àwọn naa le ri ẹbun owó iranwo yii gba,” atejade naa lo wi bayi.
Nitori pataki ọrọ naa si ara ilu ati akiyesi wa pe o seese ki atejade naa je ayederu, DUBAWA se iwadii.
Ifidiododomulẹ
Itọpinpin kókó ọ̀rọ̀ lori ayelujara fihan pe ko si ojulowo iroyin kankan nipa ètò owó iranwo naa, bakan naa ni ẹ̀ka ìjọba ti wọn mẹnuba ninu atejade naa ko fi iru iroyin be si oju opo won lori ẹ́rọ alatagba kankan.
Linki ti won fi si ori atejade naa gbe wa lọ aaye ayelujara kan ti wọn fi n gba iroyin nipa ẹni ti won si le lo lati lu eeyan ni jibiti.
Leyin ti eeyan ba fi orukosile pelu àwọn alaye ifowopamọ, a tun satunpin atejade naa pelu àwọn elomiran lori ikanni WhatsApp, eyi si ni okan ninu àwọn ona ti àwọn oni jibiti maa n lo lati wọle si eeyan lara.
Ni oju opo ẹ̀ka ìjọba t’o n risi ọrọ ọmọniyan ati didekun ọṣì, lori ẹ́rọ alatagba, ko si iru iroyin to jọ mọ owó iranwo fun idile.
Bakan naa, a gbiyanju lati ba ẹ̀ka ìjọba naa ni gbolohun lori oro naa sugbon won ko fesi.
Akotan
Irọ́ gbaa ni ahesọ pe ìjọba n fun ara ilu ni owó iranwo ọ̀kẹ́ mesan o le díẹ̀. Àwọn oni jibiti ni o fi atejade naa si’ta ki won le fi ṣ’akoba fun ara ilu.
