{"id":24627,"date":"2025-09-27T07:00:00","date_gmt":"2025-09-27T06:00:00","guid":{"rendered":"http:\/\/dubawa.org\/dir\/?p=24627"},"modified":"2025-09-24T20:16:24","modified_gmt":"2025-09-24T19:16:24","slug":"yadda-shafin-facebook-bayanan-da-ba-daidai-ba-da-gazawar-dokoki-ke-jefa-matan-najeriya-cikin-sarkakiya-in-sun-je-daukar-ciki-wa-wadanda-ba-su-iya-dauka-da-kansu-dan-samun-kudi","status":"publish","type":"post","link":"https:\/\/dubawa.org\/dir\/yadda-shafin-facebook-bayanan-da-ba-daidai-ba-da-gazawar-dokoki-ke-jefa-matan-najeriya-cikin-sarkakiya-in-sun-je-daukar-ciki-wa-wadanda-ba-su-iya-dauka-da-kansu-dan-samun-kudi\/","title":{"rendered":"Yadda shafin Facebook, bayanan da ba daidai ba, da gazawar dokoki ke jefa matan Najeriya cikin sarkakiya in sun je daukar ciki wa wadanda ba su iya dauka da kansu dan samun kudi"},"content":{"rendered":"\n

Bayan da Temitope Afolabi ta fahimci cewa maigidanta na iya zuwa kurkuku saboda bashin nera milliyan 48 din da ke kansa sakamakon wani cinikin kasuwancin da ya lalace ne ta yanke shawarar daukar ciki wa wasu ma\u2019aurata wadanda ke bukatar haihuwa dan samun kudin da zai taimaka mata wajen ceton mijin nata.  Da farko ta yi tunanin sayar da kodarta ne, amma da ba ta sami mai bukata ba sai ta yanke hukuncin daukar cikin. Daukar cikin da ba naka ba ko kuma Surrogacy kamar yadda aka fi sani a turance wata hanya ce ta taimakawa wadanda ba su iya haihuwa da kansu<\/a> inda mace (wadda ake kira surrogate da turanci) ta kan dauki juna biyu a madadin wasu wadanda ba za su iya yi da kansu ba wadanda yawanci sune iyayen –  Ya tanadi hada kwan namiji da na namace a sa a mahaifar wata mata wadda ba ta da wata alaka iyayen kwayayen, dan ta dauki cikin na tsawon watanni tara yadda ya kamata domin wasu ba su iya yin hakan. Wannan harka ce ta kasuwanci tsantsa, inda ake biyan surrogate din, wato wadda ta dauki cikin. <\/p>\n\n\n\n

Masana\u2019antar Surrogacy a duniya baki daya ta na da darajar<\/a> dalar Amurka biliyan 27.9, kuma Majalisar Dinkin Duniya ta kawatanta shi a matsayin wani nau\u2019i na cin zarafin<\/a> mata da kananan yara. A Najeriya yanzu harkar ta fara yawaita, musamman a tsakanin taurari irin su  Nancy Umeh<\/a>, Ini Edo<\/a>, da Chimamanda Adichie<\/a> duk sun yi amfani da shi. Shahararriyar infuluwensa kan harkokin rayuwa Ife Agoro ita ma ta bayyana sha’awar yin amfani da shi<\/a> duk kuwa da irin kalubalen lafiyar da ke tattare da shi. <\/p>\n\n\n\n

To amma wani yanayi ne masu shiga wannan sana\u2019ar ke fuskanta a kasar da ta fi yawan al\u2019umma a nahiyar Afirka, kuma yaya aka yi har ya fara samun karbuwa haka? Na bibiyi cikin Temitope tun daga sadda ta fara laulayi har bayan haihuwa ta hanyar tattaunawa da ita manhajar sakonni na Facebook messenger, inda ta bayyana mun duka abubuwan da ta fuskanta dalla-dalla. Zan kuma sadu da ita ido da ido nan gaba dan samun karin bayani<\/p>\n\n\n\n

Temitope ta fara aikin daukar cikin ne a watan Mayun 2024. A lokacin an biya ta kimainin N2,233,000, kuma wannan adadin ya kunshi kudin mota, da alawus na haya, da kudin nakuda, da kayayyakin sawa. <\/p>\n\n\n\n

\"\"
Hoton da ke bayyana yadda aka kasafta kudin da aka biya Temitope\u2019s payment plan. Hakkin mallakar hoton: DUBAWA ta Temitope.<\/figcaption><\/figure>\n\n\n\n

To sai dai wannan kudin bai yi la\u2019akari da yanayin rayuwa a Najeriya yanzu ba. Kudin motar da aka bata na N3,000 ba zai ishe ta yin kai kawon da ta ke bukata ba. Ta na zama ne a Sango Ota, wanda ke kan hanyan Oju ore a jihar Ogun, kuma daga nan zuwa asibitin da ta ke zuwa a Ikorodu akwai tazarar kilometa 41.9. <\/p>\n\n\n\n

Duk da cewa  an kara kudin motar zuwa N5,000  bayan da ta yi ta musu korafi, sun kara ne da sharadin cewa za ta fara zuwa wani asibitin na daban da ke Ikeja a jihar Legas wanda ya fi na Ikorodun nisa. Cikin hawaye Temitope ta bayyana mana cewa a hakan ma sai ta sake kara wani N1,000 daga cikin kudinta kafin ta kai asibitin ga kuma wahalan da za ta ji da shi saboda nisan da aka kara. Bacin haka da kyar ta ke samun kudin abinci bayan ta biya haya da kudin makarantar yaranta.<\/p>\n\n\n\n

Nan da nan hawayenta suka koma fushi yayin da ta ke bayanin yadda mai shiga tsakani ko kuma agent dinta ya karbi N450,000 a sunan kudin zirga-zirga daga iyayen, ya na da\u2019awan cewa sun yi amfani da motar hayar Uber ne wajen zuwa asibiti<\/p>\n\n\n\n

\u201c\u2018Yan Najeriya sun iya amfani da jama\u2019a\u201d ta bayyana cikin murya cike da hawaye. \u201cSukan yi amfani da mutane ba tare da la\u2019akari da matsalolin da suke fuskanta ba. Ba su ma damu da nauyin cikin da na ke fama da shi ba, da laulayi da amai da sauransu. Amfani da mu kawai su ke yi kamar bayi domin sun yi imanin cewa idan har kai baka yi ba wani zai yi.\u201d<\/p>\n\n\n\n

Duk da cewa an bayyanawa Temitope yawan kudin da za\u2019a ba ta dalla-dalla tun daga farko, ba\u2019a fayyace mata sharuddan da ke tattare da su sai can daga baya. Kwantitraginta mai dauke da kwanan watan 26 ga watan Agustan 2024, ba ita ta sa hannu a kai ba sai bayan da cikin ya kai watanni uku cif-cif. Daga cikin sharuddan akwai ma inda aka ce ta fahimci cewa tana iya mutuwa. Wani rahoton BBC <\/a> ya bayyana cewa Najeriya ce kasar da ta fi muni wajen haihuwa, inda ake kiyasin cewa cikin kowani minti bakwai sai mace daya ta hallaka wajen haihuwa. Bacin haka, bisa tanadin kwantiragin, da likita da su wadanda ake daukar wa cikin ne kadai su ke da hakkin yanke hukunci kan irin matakan da za\u2019a dauka idan har aka lura cewa cikin na tattare da hadari ga lafiyar ita wadda ta ke dauke da shi. Haka nan kuma an hana ta tattaunawa da manema labarai.<\/p>\n\n\n\n

\n