|
Getting your Trinity Audio player ready...
|
Ihe E Kwuru: Otu onye na Facebook bụ Ekerenam joy kwuru na ndi NYSC so na ndị gọọmentị ga-akwụ puku naira irí asaa na asaa nke bụ ụgwọ kacha nta nke ọhụrụ malite na ụbọchị nke mbụ na ọnwa May.
Ihe Anyi Chọpụtara: Ụgha! DUBAWA chọpụtara na onweghi mgbe akwụkwọ akụkọ ọbula dọrọ anya bipụtara ozi si n’aka gọọmentị banyere nke a. Anyị chọpụtara n’ụgwọ ọnwa ndị NYSC ka na-akwụ ndi ka bụ puku naira iri atọ na atọ.
Akụkọ n’uju
N’ọnwa April, afọ 2024, otu onye na Facebook bụ Ekerenam joy kwuru na ndi NYSC so na ndị gọọmentị ga-akwụ puku naira irí asaa na asaa nke bụ ụgwọ kacha nta nke ọhụrụ bịdo na ụbọchị nke mbụ na ọnwa May.
Ọtụtụ ndị mmadụ nọ na Facebook kwenyere na ihe a Ekerenam Joy kwuru. Mmadụ ruru irí atọ gosiri mmasi ha na ihe ọ dere na Facebook.
Gọọmenti Naijiria malitere ịkwụ ụgwọ kacha nta nke ọhụrụ puku naira irí atọ na afọ 2019. Ha malitere ịkwụ ndị NYSC copa puku naira irí atọ na atọ na afọ 2020.
Nyocha
Nke mbụ, DUBAWA chọrọ ihe a Ekerenam Joy kwụrụ na akwụkwọ akụkọ dị iche iche ama nke ọma, enweghị akwụkwọ akụkọ ọbụla anyị hụrụ ebe gọọmenti kwụrụ na ọga kwụ ndị NYSC copa puku naira irí asaa na asaa ma ọ bụ mụbaa ụgwọ ọnwa kacha nta.
Anyi chọrọ na ọnya nwudude National Youth Service Corps, ma enweghị ebe ahụrụ ụdị akụkọ.
Anyị jụrụ mmadụ ole ma ole anyị maara bụ ndị NYSC copa ajụjụ, ha kwuru na ha anụbeghị ụdị akụkọ a, ma kwukwa na a ka na-akwụ ha puku naira irí atọ na atọ.
Anyị kpọtụrụ onye nchịkọta ọrụ(state Coordinator) nke NYSC na steeti Imo bụ Rachel Idaewor, o kọwara na ya amaghị maka nke a, mana ọnọghị ya n’aka ikwu gbasara ma gọọmentị ebidola ikwụ ndị NYSC copa ego naira puku irí asaa na asaa.
Mgbe anyi juru ụlọ ọrụ NYSC ajuju site Facebook bụ officialnysc, nzaghachi ha nyere anyị ebe ahụ bụ ọ bụghị eziokwu
Nchịkọta
Gọọmentị Naijiriya agaghị akwụ ndị NYSC copa puku naira irí asaa na asaa, a gaghị kwa agbanwe ụgwọ ọnwa kacha nta
Emepụtara akụkọ a maka 2024 Kwame KariKari Language Fact Check Fellowship Project nke DUBAWA na mmekorita ya na Toast 90.3FM Owerri , iji kwado ụkpụrụ nke “eziokwu” na akwụkwọ akụkọ na ịkwalite mmuta mgbasa ozi na mba ahụ.
