|
Getting your Trinity Audio player ready...
|
Ǹkan oṣù obinrin jẹ ọrọ to se gboogi ninu ilera orọ awon obinrin l’awujọ.
Ọjọ́ kejidinlọgbọn oṣù kejọ ni a maa n ṣe ayajọ ìmọ́tótó l’asikò nkan oṣù ati lati ṣe idanilẹkọ pataki oun èlò fun ǹkan oṣù bii iledi/páádì, ati lati ṣe ìpèsè wọn.
Fun opolopo obinrin kaakiri agbaye, ọrọ nkan osu je koko pataki lawujo eniyan, paapaa lori eto ilera obinrin. Ni awon agbegbe kookan lagbaye, ko si omi to dara, awon obinrin ko ni anfaani si oun elo nkan osu, ko si ile ìgbọ̀nsẹ̀ ati awon oun miran to le mu inira ba obinrin ni asiko nkan osu. Awon nkan wonyi le fa akoran, airọmọbi, ati iponju fun obinrin.
Ni opo igba, a maa n se agbeyewo awon èèwọ̀ tabi àbùkù ti àwọn eniyan maa fi n kan obinrin to n se nkan osu, ṣugbọn o ṣe pataki ki a s’ọrọ nipa awon asa ati ise kookan to ma le fi obinrin sinu ewu l’asiko ǹkan oṣù.
Nkan osu a maa mu ki oju abẹ obinrin tutu ju botiyelọ, eyi si le fa akoran fun obinrin ti ko ba ṣe oun tó tọ́.
Ewu to sopọ̀ mọ́ iwa idoti lasiko nkan osu
- Atunlo iledi alaso ti won ko fọ tabi ti ko gbẹ daadaa
Ni awon agbegbe kan ti iledi ti wọn ju, awon obinrin ibe a maa fi aṣọ di nkan oṣù wọn. Ewu tó wà nibe ni ti won ko ba fo aso naa daada pelu ose tabi ti won ko ba sa ai abẹ́ òòrun ki o gbẹ daadaa. Elomi a sa awon aso wonyi si abe ibusun re, obinrin mii a fi si inu apo nitori abuku, sugbon eyi ko bojumu, a maa fa kokoro ailefojuri E.Coli tabi Staphylococcus aureus ti o le mu akoran ba oju abe tabi kuruna tabi ki oju abe bere sii ni òórùn ti ko dara.
Fun awon obinrin ti won fi aṣọ ṣe nkan osu, o se pataki ki won fọ daadaa pelu ọṣẹ, sa sinu orun ki o si gbẹ daadaa. Iwadii sagbekale re pe awon obinrin ti won lo iledi alaso wa ninu ewu akoran ju awon obinrin ti won lo iledi igbalode lọ.
- Aini anfaani si omi to mọ tonitoni ati ile igbonse
Omi to mọ je oun kan gboogi fun obinrin to n se nkan osu lati fọ ọwọ, fọ iledi alaṣọ, loro kan, fun imototó to daju.
Aini ile igbonse aladani, ni awon ile iwe, ati ile ise maa n sakoba fun opolopo obinrin lasiko nkan osu, nitori won ko ni le tete paarọ iledi won, eyi si le fa akoran. Ni igba miran, omobinrin ko ni lo ile eko nitori eyi. Obinrin ti ko ba paarọ iledi lasiko wa ninu ewu akoran si odo oju abe (pelvic inflammatory disease), akoran apo ito ati airomobi.
- Ki obinrin lọra lati paaro iledi lasiko
Ti obinrin ba wọ paadi tabi iledi fun igba pipe, eyi le fa akoran, kuruna ati inira loju abe. Koda obinrin ti ko ba tete paarọ tampon wa ninu ewu toxic shock syndrome, ti o le la ẹmi lọ.
Imototo lasiko nkan osu ni ki obinrin paaro iledi tabi oun miran to lo fun nkan osu laarin wakati merin si mefa.
- Ki obinrin ṣ’amulo awon nkan miran fun nkan osu bii foomu, iwe iroyin ati bẹẹbẹẹlọ
Nigba ti awon obinrin miran ko ba ni anfaani si iledi igbalode, ti won ko si ri aṣọ lò, elomiran a maa ge lara foomu ibusun, iwe iroyin tabi beba ti won kò lo mo, ewe, kainkain iwe ati awon oun miran.
Awon nkan wonyi ko dara to nitori won le fa akoran. Yato si akoran, obinrin naa le bere sii ri iponju lasiko ibimo tabi aileloyun ati airomobi.
- Imototo ọwọ
Kokoro ailefojuri maa n saba wa ni ọwọ. Ti obinrin ba fi ọwọ kan oju abe re tabi oun elo nkan osu lai fọ owo rẹ̀, won a ni akoran. Oju abe a bere sii yun elomi, tabi ki nkan bere sii jade lati oju abe.
Ni ile iwe tabi ibugbe pajawiri (camp), aini omi to mọ, ọṣẹ, ati ile igbonse aladani wa lara awon oun ti ko le je ki obinrin fọ ọwọ. Ó ṣe pataki ki obinrin fọ ọwọ saaju ki o to paarọ oun elo nkan osu ati leyin naa.
- Pátá tabi àwọ̀tẹ́lẹ̀ ti o funpọ
Ti obinrin ba wọ pata tabi awotele ti o funpọ ju lasiko nkan osu, eyi maa mu ki oju abe tutu fii, yoo si mu ku kokoro afaisan ailefojuri bere sii dagba sii. Ti obinrin ko ba tete paaro iledi nigba ti wo pata to funpọ ju, tabi o laagun, obinrin naa a ni akoran, kuruna, ara yiyun, ati oorun ti ko dara.
- Sise imototo oju abe lona ti ko tọ
Ki obinrin ma da awon nkan si oju abẹ́ kò dara, paapaa awon ose oni lofinda ti won fi n fo oju abe. Oju abe obinrin ni ona ti o maa n gba fọ ara rẹ̀. Oun ti a nilo lati fọ ni agbegbe vulva re, iyen ara oju abe to wa nita. Omi nikan ni o si nilo lati fọ eleyi.
O se pataki ki obinrin maa lọ fun ayẹwo loorekoore, ayewo odo oju abe obinrin, ayewo ọmú ati ayewo akàn ilé ọmọ. Àwọn ayẹwo yii ṣe pataki si ilera ara obinrin.
Àkótán
Ìmọ́tótó l’asiko nkan oṣu se pataki. Ninu akọsilẹ yii, a ṣe agbekalẹ ewu to wa ninu iwa ìdọ̀tí ti obinrin ba n se nkan oṣù.
